| 辛苦左接近六個星期, 諗住終於可以relax, 點知星期二返學嘅時候個英文老師叫左我出去, 話我第二篇文plagiarism......我成個人呆左, 我問佢點解, 佢只係話我寫唔出D咁嘅野, 我係copy返黎嘅. 我聽到之後好嬲好嬲, 我辛辛苦苦捱左好多個夜晚寫出黎嘅野係copy返黎嘅....我嘗試同佢解釋, 但係一D用都冇, 我話我冇plagiarism, 佢唔信, 死都話我係抄返黎嘅, 仲話我講大話, 又話我浪費緊佢嘅時間, 但係我同佢講嘅時候係5分鐘都冇......只係得返兩日, 佢都唔可以放過我, 何況我真係冇做過. 其實之前係第一堂嘅時候佢已經講過佢 hate chinese, 我仲以為佢係講笑, 點知原來佢真係有心玩我!! 一開始就比個good grade 我, 到之後冇得drop個班先開始黎料, 咁唔到一個白人老師都可以咁賤!! 咁樣比人屈真係好嬲, 之後去左搵個 department dean, 希望佢幫到我, 因為我個老師從一開始就已經認定左我係講大話. 但係個dean同返我講話佢咩都做唔到, 仲話我點解去到最後兩日先黎講, 我解釋話因為我都係今日先知....講到最後佢都無唔肯幫我, 只係話佢最多可以約個老師過黎同佢一齊傾.....於是就約左今日11:30, 好彩琴日一直都有melody同我舅父陪住我, 如果唔係我都唔知我會點!! 本身以為都冇希望嘅啦, 只係諗住澄清自己冇plagiarism, 諗住都係攞F架啦, 仲要比兩個老師夾攻, 佢地一定會幫大家, 好彩我都有我舅父同我去壯膽........一開始就好似想像中咁, 比佢地夾攻, 之後我就攞evidence同個老師派嘅sample paper比返佢地睇, 同佢講話如果我咁做係plagiarism, 咁份sample paper都係咁, 我都只係跟住個sample paper做....之後個老師無言, 仲話我係到搵excuse, 佢之後仲失控同爆粗, 係我, 我uncle, 同個dean 面前爆粗, 個dean即刻叫佢離開, 之後就話可以幫我drop左個變態老師個班, 再同我add返個 (呢個時候所有英文班係已經爆哂, 但係因為佢係個dean, 佢可以安排我入邊個班都得), 咁個dean都咁做, 我都accept啦, 唔通仲要比個老師玩咩!! 之後個dean都同我講話信我冇plagiarism, 話佢唔會report落我個file到, 仲同我同我uncle代個老師講sorry, 話佢咁做係unprofessional, 仲話會將佢今日所做嘅野寫低同放入佢個report到. 雖然我浪費左呢六個星期嘅時間, 但係今次都真係好好彩, 遇到一個公正嘅dean, 如果唔係實比佢玩死.....個dean仲話今日佢都學到野, 就係知到呢個老師嘅真面目.....今日turn out 個result都算好架啦, 至少fall 可以重新開始同唔駛攞F, 仲有可以反告返個老師!! 今次呢個經驗好保貴, 代價都好大........但係就學到好多野, 選班要小心同上堂如果發覺個老師唔對唔就一定要drop, 如果唔係最後都只會後悔!! 今次都有一個收獲, 就係認識到個dean, 同佢做到朋友, 咁以後有咩事都可以搵佢 |